အနှိုင်းမဲ့ မြတ်ဗုဒ္ဓ၏ အဆုံးအမ စကားတော်တို့ကို သာသနာဟု ခေါ်ပေသည်။ ထိုသာသနာတော်သည် ပရိယတ္တိသာသနာ၊ ပဋိပတ္တိသာသနာ၊ ပဋိဝေဓသာသနာ ဟု သုံးတန်တည်ရှိပေသည်။ ထိုတွင် ပရိယတ္တိဟူသည် ပိဋကတ်စာပေသင်ကြားမှု ဖြစ်၏။ ပဋိပတ္တိ ဆိုသည်ကား အကျင့်တရားဖြစ်သည်။ သမထဘာဝနာ ၀ိပဿနာဘာဝနာတို့ကို ကျင့်ကြံပွားများ အားထုတ်မှုဖြစ်သည်။ ပဋိဝေဓ ဟူသည်မှာမူ- မဂ်တရား ဖိုလ်တရားတို့ကို ထိုးထွင်း၍ သိခြင်းဖြစ်သည်။
ထိုသာသနာတော် သုံးရပ်တို့သည် ကျွန်းကိုင်းမှီ ကိုင်းကျွန်းမှီ- ဆိုသကဲ့သို့ အချင်းချင်း ဆက်နွယ် အကျိုးပြု နေကြသည်၊ ပရိယတ္တိသာသနာ တည်မှသာ မှန်ကန်သော ပဋိပတ္တိသာသနာ တည်ရှိနိုင်သည်၊ မှန်ကန်သော ပဋိပတ်ကို အားထုတ်မှသာလျှင် ပဋိဝေဓသာသနာကို ဆိုက်ရောက်နိုင်ပေသည်။
ဥပမာ ဆိုရသော်- ပရိယတ္တိသာသနာသည် ကန်ဘောင် နှင့် တူသည်၊ ပဋိပတ္တိ သာသနာ သည် ရေနှင့်တူသည်၊ ပဋိဝေဓသာသနာသည် ကြာနှင့်တူသည်။ ထိုဥပမာအရ-ကန်ပေါင်ရှိမှ ရေတည်သည်၊ ရေတည်မှ ကြာရှိနိုင်သည်၊ ထိုကြောင့် ကန်ပေါင်တည်းဟူသော ပရိယတ္တိ မကျိုးမပေါက် မပျက်မစီးရအောင် အားထုတ်ကြ ရပေမည်၊ ကန်ပေါင်တည်းဟူသော ပရိယတ္တိ ကောင်းမွန်ခိုင်ခန့်နေသမျှ ကာလပတ်လုံး ပဋိပတ္တိ ရေတည်ရှိပေမည်။ ရေတည်းဟူသော ပဋိပတ္တိ ရှိနေသမျှ ကာလပတ်လုံး ကြာပန်းတည်းဟူသော ပဋိဝေဓသည်လည်း တည်ရှိနေမည်သာ ဖြစ်သည်။
သာသနာ့ဝန်ထမ်း ရှင်ရဟန်းတို့အတွက် ရှင်တော် မြတ်ဘုရားက လမ်းစဉ် နှစ်ရပ်တို့ကို ချမှတ်ပေးခဲ့သည်။ ထိုလမ်းစဉ်တို့မှာ-
(၁) ဂန္ထဓူရ= စာပေပရိယတ္တိ သင်ကြားပို့ချခြင်း၊
(၂) ၀ိပဿနာဓူရ= သမထ ၀ိပဿနာ ပွားများ အားထုတ်ခြင်း တို့ဖြစ်ပေသည်။
သာသနာ့ဘောင် ၀င်ရောက်လာပါက ထိုနှစ်ခုတို့တွင် တစ်ခုခုကိုသော်လည်း ကောင်း၊ စွမ်းဆောင်နိုင်ပါက နှစ်ခုလုံးကိုသော်လည်းကောင်း ထမ်းဆောင်ကြရပေမည်။
ဘုရားရှင်ခေတ်က ရဟန်းတော်တို့၏ လုပ်ဆောင်ချက်တို့ကို လေ့လာကြည့်သည် ရှိသော် အရွယ်ငယ်ရွယ်တုံး သာသနာ့ဘောင်ဝင်ရောက်လာပါက ဓူရနှစ်ခုလုံးတို့ကို ပြည့်စုံအောင် ဖြည့်ကျင့်ကြ၍ သက်တော် ကြီးရင့်သည့်အချိန် ရောက်လာပါက ၀ိပဿနာဓူရကိုသာ ပြီးစီးပေါက်မြောက်အောင် ဖြည့် ကျင့်ကြသည်။ ရှေးရှေးသော ဆရာတော် သံဃာတော်တို့သည်လည်း ထိုကဲ့သို့သော ဆရာ့ဆရာနည်းတို့ကို အတုယူလိုက်နာကြလျက် ရဟန်းကိစ္စတို့ကို ပြီးစီးအောင်မြင် စေကြကာ ရဟန်းပြုရခြင်း၏ ပဓာန ပန်းတိုင်ဖြစ်သော သန္တိသုခဓာတ်တို့ကို ရရှိကြပြီး အေးချမ်းတော် မူကြပေသည်။
အမိမြန်မာနိုင်ငံတော်၏ မျက်မှောက်ခေတ်သာသနာကို လေ့လာရှိသည်ရှိသော် ကမ္ဘာက အထင်ကြီး လေးစားဂုဏ်ယူရလောက်အောာင် စည်ပင်ဖွဲ့ဖြိုးနေဆဲပင် ဖြစ်သည်။ ရဟန်းတော် တို့သည် မြတ်ဗုဒ္ဓ၏ ဓူရနှစ်ဖြာကို အလေးထား၍ များသောအားဖြင့် စာသင်တိုက်၊ တရားရိပ်သာတို့ ဖွင့်လှစ်ကြကာ သာသနာပြုနေကြသည်။ စာသင်တိုက်တို့တွင် ဂန္ထဓူရကို အလေးထား၍ ၀ိပဿနာ ဓူရကိုလည်း တစ်နွယ်ငင် တစ်စင်ပါ ဖြည့်ကျင့်ကြသည်။ ရိပ်သာတို့တွင် ၀ိပဿနာဓူရကို အဓိကဖြည့်ကျင့်ကြ၍ ဂန္ထဓူရကိုလည်း ထမ်းဆောင်ကြသည်။ စာသင်တိုက် ၊ ရိပ်သာ အမည်မတပ်ထားသော အခြားကျောင်းတိုက်တို့သည်လည်း လမ်းစဉ်နှစ်ရပ်တို့ကို လိုက်နာကျင့်သုံးကြပြီး ပရဟိတလုပ်ငန်းတို့ကို စွမ်းစွမ်းတမံ ဆောင်ရွက်ကြကာ လောကကောင်းကျိုးအတွက် ထမ်းဆောင်နေကြပေသည်။
ယင်းကဲ့သို့ ဆရာ ဒကာ လက်တွဲညီညွတ်စွာ သာသနာပြုနေကြသောကြောင့် အမိမြန်မာနိုင်ငံသည် ကမ္ဘာ့အလယ်တွင် ထေရ၀ါဒ ဗုဒ္ဓဘာသာထွန်းကားသော နိုင်ငံအဖြစ် ထင်ရှားနေဆဲပင်ဖြစ်သည်။ ထိုကဲ့သို သာသနာဖြန့်ဖြူးနေကြသော ရဟန်းတော်တို့၏ အဓိက ရည်ရွယ်ချက်မှာ မြတ်ဗုဒ္ဓ၏ သူတော်ကောင်းတရားများ ဆက်လက်ပြန့်ပွား ထွန်းကားစေရန်၊ လိုက်နာကျင့်သုံးကြပြီး အငြိမ်းဓာတ်ကို ရရှိခံစားစေရန်၊ သူတော်ကောင်းတရား များ ရေရှည်တည်တံ့စေရန်၊စသည်တို့ပင် ဖြစ်သည်။
သူတော်ကောင်းတရားကို ဖြန့်ဖြူးနေကြသော ရဟန်းတော်တို့သည် စည်ပင်နေသော သာသနာပြုလုပ်ငန်းများ အရှိန်အဟုန် မပျက် ဆက်လက် လည်ပတ်နိုင်ရန်၊ လမ်းလျှောက်ရင်း လမ်းမပျောက်စေရန်အတွက် ဘုရားရှင် မိန့်မှာခဲ့သော သာသနာကွယ်ကြောင်းတရားတို့ကို သတိပြု ရှောင်ကြည်ကြရပေမည်။
ယင်းသာသနာကွယ်ကြောင်း တရားတို့မှာ-
(၁) ရဟန်းတော်များ တရားတော်တို့ကို ရိုသေစွာ မနာယူကြခြင်း၊ (တရားတော်ကို မနာယူကြဘဲ တစ်ခြားအပျော်အပါးများကိုသာ ခုံမင်နေကြခြင်း)။
(၂) ရဟန်းတော်များ တရားတော်တို့ကို ရိုသေစွာ မသင်ယူကြခြင်း၊ ( စာပေမသင်ဘဲ တစ်ခြားအလုပ် များဖြင့်သာ အချိန်ကုန်နေကြခြင်း)
(၃) ရဟန်းတော်များ တရားတော်တို့ကို ရိုသေစွာ မဆောင်ယူကြခြင်း၊
(၄) ဆောင်ထားပြီးသော တရားတို့၏ အနက်အဓိပ္ပါယ်ကို ရိုသေစွာ ဥာဏ်ဖြင့် မစူးစမ်း မဆင်ခြင်ကြခြင်း။ (၅) အနက်သဘော တရားသဘောကို သိ၍ တရားအားလျော်သောအကျင့် (သီလ သမာဓိ ပညာ)ကို ရိုသေစွာ မကျင့်ကြခြင်း။
တနည်းအားဖြင့်-
(၁) ပိဋကတ်စာပေတို့ကို မသင်ယူကြတော့ခြင်း၊ ( ပိဋကတ်စာပေတို့ကို သင်ကြားပေးမည့် စာချဆရာတော်နှင့် သင်ယူမည့် စာသင်သား မရှိတော့သဖြင့် စာပေသင်ကြားမှု အားနဲလာခြင်း)
(၂) နာယူသင်ယူပြီးသော တရားတော်တို့ကို အကျယ်အားဖြင့် သူတပါးတို့အား မဟောကြားကြခြင်း၊
( တရားဒေသနာတော်တို့ကို အကျဉ်းလေးမျှ ဟောကြပြီး အများလူပြိန်းကြိုက် ဇာတ်ကြောင်းတို့ကိုသာ ချဲ့ထွင်ကာ ဟောပြောကြခြင်း)
(၃) နာယူသင်ယူပြီးသော တရားတော်တို့ကို အကျဉ်းမျှသာ ပို့ချသင်ကြားပေး၍ အကျယ်အားဖြင့် သူတပါးတို့အား မပို့ချကြခြင်း။
(၄) နာယူသင်ယူပြီးသော တရားတော်တို့ကို အကျယ်အားဖြင့် ရွှတ်ဖတ် သရဇ္ဈာယ်မှု မပြုကြခြင်း။
(၅) နာယူသင်ယူပြီးသော တရားတော်တို့ကို စိတ်ဖြင့် အဖန်ဖန် ကြံစည် သုံးသပ်မှု မပြုကြခြင်း။
တနည်းအားဖြင့်-
(၁) မကောင်းသဖြင့် သင်ယူထားသော ပါဠိတော်တို့ကို ထိုနည်းအတိုင်း ပုဒ်ဗျည်းမှားတို့ဖြင့် သင်ကြားပို့ချကြခြင်း၊(ထိုပုဒ်ဗျည်းမှားတို့ကြောင့် အနက်သဘောကို သိရန်မလွယ်ကူပေ။)
(၂) ရဟန်းတော်တို့သည် ပြောဆို ဆုံးမရ ခက်ခဲလာကာ သည်းခံမှု မရှိကြခြင်း။
(၃) ပိဋကတ်တတ်ကျွမ်းကုန်သော ရဟန်းတော်တို့သည် ပါဠိတော်တို့ကို သူတစ်ပါးတို့အား ရိုသေစွာ မသင်ကြားပေးကြတော့ခြင်း။ (ထိုရဟန်းတို့ ပျံလွန်တော်မူသောအခါ ပါဠိတော်တို့သည် အမြစ် အရင်းပြတ်၍ ထောက်တည်ရာ မရှိတော့ချေ။)
(၄) မထေရ်ကြီး ရဟန်းတော်တို့သည် သီလသိက္ခာကို လျှော့ပေါ့စွာ ကျင့်ကြပြီး လာဘ်လာဘ ပေါများရန် ဘုန်းကြီးရန်သာ ကျင့်နေကြခြင်း။ ( ထိုအခါ နောက်လိုက် တပည့်တို့သည် ဆရာကို အတုလိုက်၍ ကျင့်ကြ၏။)
(၅) သံဃာကွဲပြားပြီး အချင်းချင်း ဆဲရေးခြိမ်းချောက်နေကြခြင်း။ ( ရဟန်းသံဃာ အချင်းချင်း စိတ်ဝမ်းကွဲပြားပြီး ဂိုဏ်းစွဲ ၀ါဒစွဲ ဆရာစွဲတို့ဖြင့် မညီမညွတ် ဖြစ်နေကြခြင်း။)
တို့ဖြစ်သည်။
ဤကဲ့သို့ မြတ်စွာဘုရားသည် သာသနာကွယ်ကြောင်းတရား (၁၅)ပါးတို့ကို အဂုင်္တ္တိုရ် ပါဠိတော်၌ ဟောကြားတော်မူခဲ့သည်။
ထိုတရားတို့ကို မှတ်သားရ လွယ်ကူစေရန် ၀ိသုဒ္ဓါရုံ ဆရာတော်ဘုရားကြီးက အောက်ပါကဲ့သို့ လင်္ကာ စပ်ဆိုခဲ့ပေသည်။
အဂုင်္တ္တိုရ်လာ၊ သာသနာကွယ်ကြောင်း၊ တရားပေါင်းကား၊ ရဟန်းများတို့၊ တရားမနာ၊ စာပေမသင်၊ နှုတ်တွင်မဆောင်၊ သိအောင်မပြု၊ ဓမ္မာနုဓမ္မ၊ ပဋိပတ်ကွာ၊ ဤငါးဖြာတည်း။ ထ၀ါထို့ပြင်၊ စာသင်ပယ်လျှော၊ ကျယ်မဟောကြ၊ ကျယ်မချနှင့်၊ ကျယ်စွာ့ မအံ၊ မကြံမစည်၊ ဤငါးလီတည်း။ ၀ါ တနည်းမှာ၊ အက္ခရာပုဒ်ပျက်၊ လေ့ကျင့်သင်ကြား၊ ဒုဗ္ဗစမူ၊ စာချသူရှား၊ လာဘ်များအောင်ဖန်၊ ခိုက်ရန်ကွဲပြား၊ ဤငါးပါးသည်၊ ဘုရားသာသနာ ကွယ်ကြောင်းတည်း။
ကမ္ဘာတွင် ထေရ၀ါဒ ဗုဒ္ဓဘာသာ ထွန်းကားသောနိုင်ငံများ အဖြစ် မြန်မာ၊ သီရိလင်္ကာ၊ ထိုင်း၊ ကမ္ဘောဒီယား၊ လာအို အားဖြင့် (၅) နိုင်ငံတို့သည် ထင်ရှားသည်။ ထိုနိုင်ငံများတွင်လည်း မြန်မာနိုင်ငံသည် အခြားနိုင်ငံများထက် ပိဋကတ်စာပေ တတ်ကျွမ်းမှု၊ ပဋိပတ်သာသနာ ထွန်းကားမှုတို့တွင် ပိုမို ကောင်းမွန်သည်ဟု များသောအားဖြင့် လက်ခံ အသိမှတ်ပြုကြပေသည်။
သို့သော် ကမ္ဘာတွင် ထေရ၀ါဒ ဗုဒ္ဓဘာသာ ပိုမို ထွန်းကားသော နိုင်ငံအဖြစ် သီရိလင်္ကာ နှင့် ထိုင်းတို့ကိုသာ လူသိများကြပြီး မြန်မာကိုကား သိသူ နည်းပါးလှပေ၏။ ထို့သို့ ဖြစ်ရခြင်းမှာ မြန်မာ ရဟန်းတော်များ၏ အင်္ဂလိပ်စာပေတတ်ကျွမ်းမှု နည်းပါးခြင်း၊ မြန်မာနိုင်ငံ၏ ကမ္ဘာသို့ ဖြန့်ဝေသော မီဒီယာ အားနဲခြင်း စသည်တို့ကြောင့် ဖြစ်ရသည်ဟု ကောက်ချက်ချမိပေသည်။
သီရိလင်္ကာ ရဟန်းတော်များသည် ပိဋကတ်စာပေတို့ကို အင်္ဂလိပ်လို ဘာသာပြန်နိုင်ကြပြီး ကမ္ဘာသို့လည်း ဖြန့်ဝေနိုင်ကြပေ၏။ ထို့အတူ ထိုင်းရဟန်းတော် များမှာ အင်္ဂလိပ်လို ဘာသာပြန်မှု အားနဲသော်လည်း မီဒီယာ ဖြန့်ဝေမှုကား အားကောင်းလှပေသည်။ ဥပမာဆိုရသော်- ထိုင်းတို့၏ မီဒီယာ ဖြန့်ဝေမှု အားကောင်းမှုကြောင့် ရွှေတိဂုံ ဘုရားသည် အလောင်းမင်းတရားကြီး ဦးအောင်ဇေယျက အယုဒ္ဓယမြို့ကို သိမ်းပိုက်ပြီး ယူဆောင်သွားသော ရွှေများဖြင့် တည်ထားသည်ဟု မှတ်ထင်နေ ကြသော နိုင်ငံခြားသား အချို့တို့ကို တွေ့ဘူးပေသည်။
ယခုအခါ မြန်မာနိုင်ငံသည် ယခင်ကကဲ့သို့ ရှေးရိုးစွဲ ၀ါဒီများ အားမကောင်းတော့ပေ။ မီဒီယာများလည်း အထိုက်အလျှောက် ပွင့်လင်းလွတ်လပ် လာကြပေပြီ။ ထို့ကြောင့် ဓမ္မဂဝေသီ နိုင်ငံခြားသားများစွာတို့သည် မြန်မာနိုင်ငံသို့ လာရောက်ကြပြီး ငြိမ်းချမ်းသော မြတ် ဓမ္မ၏ အေးရိပ်ကို ခိုလှုံနေကြပေပြီ။ စနစ်သစ်တစ်ခုကို စတင်လမ်းဖောက်သောသူအတွက် ဝေဖန်မှုဒဏ် အနဲနှင့် အများ ခံကြရမည်မှာ ဓမ္မတာပင်ဖြစ်သည်။
တောင်မြို့ မဟာဂန္ဓာရုံဆရာတော်ဘုရားကြီး သည်ပင် ကျမ်းစာအုပ်များ စတင်ရေးသားပြီး ထုတ်ဝေစဉ်က လူထွတ်လိမ့်မည်ဟူသော ဝေဖန်မှုဒဏ်ကို ခံခဲ့ရသည်။ သို့သော်လည်း ဆရာတော်ဘုရားကြီး၏ မှန်ကန်သော စိတ်ဓာတ်နှင့် မှန်ကန်သော လုပ်ရပ်တို့ကြောင့် ယခုအချိန်ထိ ဆရာတော်၏ ကျမ်းစာအုပ်များ မရှိမဖြစ် ကြည့်ရှုနေကြရကာ မှတ်ကျောင်တင်ခံနေရဆဲပင် ဖြစ်သည်။
ထို့အတူ ရဟန်းတော်များ အင်္ဂလိပ်စာပေကို စတင်သင်ကြားချိန်ကလည်း ထိုအရှင်တို့ ဝေဖန်မှုဒဏ်ကို အမျိုးမျိုး ခံခဲ့ကြရပေသည်။ ထိုအရှင်တို့၏ မဆုတ်မနစ်သော ဇွဲသတ္တိတို့ကြောင့် ယခုအခါ ရဟန်းတော်များ၏ အင်္ဂလိပ်စာ သင်ကြားမှုကို အားပေးနေကြပေပြီ။ အင်္ဂလိပ်စာပေတတ်ကျွမ်းမှု၏ အကျိုးဆက်အဖြစ် လယ်တီဆရာတော်၊ မစိုးရိမ်ပထမကျော်အရှင်ဥာဏ၊ အရှင်အာဒိစ္စ၀ံသ၊ အဂ္ဂါဘိဓဇ အရှင်သေဋ္ဌိလ၊ မဟာစည်ဆရာတော်၊ ဆရာတော် အရှင်သီလာနန္ဒာဘိဝံသ တို့မှသည် ဖားအောက်တောရဆရာတော်၊ ရွှေတောင်ကုန်းဆရာတော်၊ ချမ်းမြေ့ဆရာတော်၊ ပါချုပ်ဆရာတော် အရှင်နန္ဒမာလာဘိဝံသ၊ သီတဂူဆရာတော်တို့ ခေတ်တိုင်အောင် အဆက်ဆက်မြန်မာအရှင်တို့သည် ပြည်တွင်းသာသနာ ဖွံ့ဖြိုးစည်ပင်မှုအတွက်သာမက ပြည်ပ သာနာပြန့်ပွားတိုးတက်ရေးအတွက်ပါ ကြိုးပမ်း အားထုတ်နိုင်ကြပေသည်။
ယခုအခါ နည်းပညာတို့၏ တိုးတက်ပြောင်းလဲမှုတို့ကြောင့် ကမ္ဘာသည် ရွာဖြစ်ပြီဟု ပြောစ မှတ်ပြုနေကြ၏။ တိုးတက်လာသော နည်းပညာတို့၏ ကျေးဇူးကြောင့် ကမ္ဘာ့ အနောက်ဖျားက ပြဿနာကို စက္ကန့်ပိုင်းအတွင်း ကမ္ဘာ့အရှေ့ဖျားက မြင်တွေ့နိုင်ကြ၏။ ပေါ်ပြူလာ ဖြစ်နေသော အင်တာနက်ကို တကမ္ဘာလုံးက သုံးစွဲနေကြပေ၏။
ယခုအခါ ရဟန်းတော်တို့သည်လည်း ခေတ်ရေစီးကြောင်းနှင့်အတူ အင်တာနက် ကို ကျယ်ပြန့်စွာ အသုံးပြုနေကြပေသည်။ သုံးစွဲခြင်း၏ အကျိုးတရားအဖြစ် မိမိတို့၏ သာသနာရေး ဆောင်ရွက်ချက်တို့ကို စက္ကန့်ပိုင်းအတွင်း တကမ္ဘာလုံးကို ဖြန့်ဝေနိုင်ကြသည်။ ဗုဒ္ဓဘာသာနှင့် ပတ်သက်၍ သိလိုသော မေးခွန်းများကို ဖြေကြား၍၄င်း၊ ဘာသာရေးနှင့်ပတ်သက်သော စာမူများ ရေးသားကာ ၀က်ဆိုက်၊ ဘလော့များ ဖွင့်၍၄င်း၊ ကမ္ဘာ့ အရှေ့ဖျား နှင့် အနောက်ဖျား သာသနာပြုနေကြသူ အချင်းချင်း အသိပညာ အတတ်ပညာနှင့် အတွေ့အကြုံများကို နှီးနှော ဆွေးနွေး တိုင်ပင်လျက်၎င်း သာသနာပြုနိုင်ကြသည်။ ၄င်းအပြင် ပိဋကတ်သုံးပုံနှင့် အဖွင့် အဋ္ဌကထာ၊ ဋီကာ တို့ကို နိဿယ၊ မြန်မာပြန်၊ အင်္ဂလိပ် ဘာသာပြန်နှင့် တကွ အင်တာနက်တွင် တင်ထားပြီးဖြစ်၍ သိလိုသော အကြောင်းအရာကို ကီးဘုတ်တစ်ချက်ခေါက်ကာ ရှာဖွေနိုင်ပေသည်။ ဓမ္မကထိက ဆရာတော်ကြီးများ၏ သုတ္တန်၊ အဘိဓမ္မာ၊ ၀ိပဿနာ စသော ကဏ္ဍစုံ တရားတော်တို့ကို မိမိတို့စိတ်ကြိုက် နာယူနိုင်ကြကာ ကျင့်ကြံ အားထုတ်နိုင်ကြပေသည်။
အင်္ဂလိပ်စာ သင်ယူလိုသော ရဟန်းတော်များအတွက် မိမိတို့ စွမ်းနိုင်ရာ Level အလိုက် ဂရမ္မာ၊ အရေး၊ အဖတ်၊ အပြောတို့ကို ၀က်ဆိုက်များစွာတို့တွင် စိတ်တိုင်းကျ သင်ယူနိုင်ပေသည်။ အသံထွတ် မှန်ကန်စေရန်အတွက် အင်္ဂလိပ်အစစ်တို့ သင်ကြားပေးထာသော အသံထွတ်တို့ကို နားထောင်နိုင်သည်။ ဆော့ဝဲလ် စသော နည်းပညာလေ့လာလိုသူများအတွက် ၀က်ဆိုက်များစွာတို့တွင် နည်းပညာတို့ကို မြန်မာဘာသာ၊ အင်္ဂလိပ်ဘာသာတို့ဖြင့် ရှင်းလင်းတင်ပြပေးထားသဖြင့် တတ်ကျွမ်းအောင် သင်ယူနိုင်သည်။ အင်တာနက်သည် သုံးစွဲတတ်သူများအတွက် ရှာမှီး၍ မကုန်နိုင်သော ဗဟုဿုတ ဘဏ္ဍာတိုက်၊ ဗဟုဿုတ ဟင်းလေးအိုးကြီးပင် ဖြစ်သည်။ မသိသူ ကျော်သွား၊ သိသူ ဖော်စားနေကြသည့် ရတနာတစ်ခုပင်ဖြစ်သည်။
ထိုကဲ့သို့ တန်ဘိုးရှိသော အရာများကို မထုတ်ယူကြဘဲ Gmail,hotmail,yahoo mail,target, Gtalk, facebook, twitter, VZO, skype စသည်တို့တွင် အကောင့်အမျိုးမျိုး ဖွင့်၍ စကားပြောခြင်း၊ချတ်တင်းထိုင် ခြင်းတို့ဖြင့်သာ အချိန်ကုန်နေကြပါက အင်တာနက် သုံးစွဲရခြင်းကား အကျိုးမများလှပေ။ အရာရာတိုင်းတွင် အကောင်းနှင့် အဆိုး ဒွန်တွဲနေကြသည်မှာ ဓမ္မတာဖြစ်၍ အဆိုးတို့ကို စွန့်ပယ်ကာ အကောင်းတို့ကို ယူတတ်ကြရပေမည်။ ခေတ်နှင့် အညီ မြတ်ဗုဒ္ဓသာသနာ အရှိန်အဟုန်ပြင်းစွာ ပျံ့ပွားစေရန် အတွက် အင်တာနက်ကို သုံးစွဲနေကြသော်လည်း ရှေး ဆရာတော်ကြီးများ၏ ရိုးရိုးကျင့်၊ မြင့်မြင့်ကြံ၊ မှန်မှန်လုပ်၊ ကုတ်ကုတ်နေ၊ စာသင်သားကျက်သရေ-ဟူသော သြ၀ါဒနှင့် အနေရိုးစေ၊ အသိဆန်းစေ-ဟူသော အဆုံးအမတို့ကို သတိထားကာ လိုက်နာ ကြရပေမည်။
“If you don’t accept the change, you’ll be change.”
“ပြောင်းလဲမှုကို သင် လက်မခံရင် သင် အပြောင်းခံရလိမ့်မည်။” လျင်မြန်စွာ ပြောင်းလဲတိုးတက်နေသော ခေတ်အခါကြီးတွင် သာသနာ့ဝန်ထမ်း ရှင်ရဟန်းတို့သည်လည်း မိမိတို့၏ အတွေးအခေါ်တို့ကို ပြောင်းလဲလက်ခံနိုင်ရပေမည်။ မိမိတို့ သာသနာ ကျယ်ပြန့်စေရန်အတွက် ခေတ်မှီနည်းစနစ်တို့ကို မှန်ကန်စွာ ကျင့်သုံးကြရမည်။ ထိုကဲ့သို့ လက်မခံနိုင်ဘဲ ရှေးရိုးစွဲဝါဒကိုသာ လက်ကိုင်ထားပါက မိမိတို့ သာသနာ ကျန်ခဲ့မည်သာ ဖြစ်သည်။ မိမိတို့၏ ကိုယ်ကျင့်တရားကို ပြောင်းလဲရမည်ဟု မဆိုလိုပေ။ ယခုအခါ အင်တာနက်သုံးစွဲမှု-ဟူသည် ဘုန်းကြီးများနှင့် လားလားမျှ မဆိုင်ဟု မှတ်ထင်နေကြသော လူအချို့တို့ကိုလည်း ၀မ်းနဲစွာ တွေ့မြင်ရသည်။ အင်တာနက်သုံးစွဲနေ သော ရဟန်းကို မဟုတ်တာ လုပ်နေသော ရဟန်းဟုပင် စွပ်စွဲနေကြသည်။ ထိုကဲ့သို အမြင်ကျဉ်းမြောင်းသူများ များမလာစေရန်လည်း ပြောဟောကြရပေမည်။
You must accept the challenges or you’ll be challenged. It’s your choice.
မင့် စိန်ခေါ်မှုတွေကို လက်ခံရမယ်။ အဲဒီလိုမဟုတ်ရင် စိန်ခေါ်ခြင်းကို မင်းခံရလိမ့်မယ်။ အဲဒါ မင့် ရဲ့ ရွေးချယ်ခွင့်ပဲ။
တိုးတက်နေသောခေတ်ကြီးတွင် စိန်ခေါ်မှု များစွာတို့ကို တွေ့ကြုံကြရပေမည်။ ယင်းစိန်ခေါ်မှုတို့ကို လက်ခံကြရမည်။ ရင်ဆိုင်ကာ ဖြေရှင်းကြရမည်။ မတွေ့ခြင်သဖြင့် ရှောင်ပြေး၍ မရပေ။ ရှောင်ပြေးပါက ထိုသူသည်သာ စိန်ခေါ်ခြင်းကို ခံရပြီး ကျန်ခဲ့လိမ့်မည်။ ထိပ်တန်းရောက်လိုသူတိုင်း စိန်ခေါ်မှုတို့ကို ရင်ဆိုင်ကျော်လွှား ကြရပေမည်။ စိန်ခေါ်မှုအသစ်တို့ကို ပြဿနာဟု သဘောထားပြီး မရင်ဆိုင်၍ မဖြစ်ပေ၊ တွေ့ကြုံရသမျှတိုင်းကို မြတ်ဘုရား၏ တရားများ လက်ကိုင်ပြုပြီး တည်ငြိမ်စွာ ဖြေရှင်း ကြရပေမည်။ ယခုအခါ ဗုဒ္ဓဘာသာကို စော်ကားပုတ်ခတ်သူများသည် အင်တာနက်၏ စွမ်းဆောင်မှုကို အသုံးချကာ နည်းမျိုးစုံဖြင့် စော်ကားလာကြသည်။ အမျိုးမျိုး တိုက်စစ်ဆင်လာကြသည်။ သူတို့သည် ယုတ္တိနှင့်တကွ ထောက်ပြစော်ကား လာသောကြောင့် မိရိုးဖလာ ဗုဒ္ဓဘာသာမျှလောက်သာ သိသူများအတွက် တဘက်သို့ပင် ယုံကြည်သွားနိုင်သည်။ အင်တာနက်သုံးစွဲသူ ဗုဒ္ဓဘာသာဝင် အချို့က ဖြေရှင်းပေးကြ သော်လည်း မခိုင်လုံ မတိကျသည့်အတွက် သူတို့အတွက် ပို၍ပင် မော်ကြွားစရာ ဖြစ်နေတော့သည်။
မိမိအနေနဲ့ ယင်းကိစ္စတို့ကို ဖြေရှင်းရမည့်တာဝန်မှာ အင်တာနက်သုံးစွဲနေကြသည့် ရဟန်းတော်များ၏ တာဝန်ဖြစ်သည်ဟု ခံယူမိပေသည်။ ရပ်ကွက်ထဲ ရန်ဖြစ်နေသကဲ့သို့ တစ်ခွန်းချက်ပက်ကာ ရန်ဖြစ်ရမည်ဟု မဆိုလိုပေ။ ယုတ်မာစွာ ရေးသားစော်ကားမှုကို လျစ်လျူပြုရမည်ဖြစ်သော်လည်း ပညာသား ပါပါ စော်ကားမှုကို အကြောင်းနှင့် တကွ ဖြေရှင်းကြရပေမည်။ မြတ်ဗုဒ္ဓသည် သည်းခံခြင်း-ခန္တီလမ်းစဉ်ကို လိုက်နာကျင့်သုံးရန် လမ်းညွှန်ထားသော်လည်း မဟုတ်မမှန် စွပ်စွဲလုပ်ကြံမှုကို အကြောင်းနှင့်တကွ ပြန်လည်ဖြေရှင်းရန် ခွင့်ပြုထားပေသည်။
မိမိသည်လည်း ဖေ့ဘွတ်ကွန်ယက် သုံးစွဲနေရင်းက ဗုဒ္ဓဘာသာ၊ ပိဋကတ်စာပေတို့နှင့် ဘုန်းကြီးများကို စော်ကားရေးသာနေသူနှစ်ဦးတို့ကို တွေ့ဖူးပေသည်။ မိမိပြန်လည်ဖြေရှင်းသော အခါ ဒေါသထွတ်ပြီး မိမိကိုယ်ပင် ပြန်လည်ဆဲဆိုကြသည်။ အကြောင်းသင့် အကျိုးသင့် အထောက်အထားနှင့်တကွ ဖြေရှင်းပြသောအခါ သာသနာကို စော်ကားသောပို့စ်များ၊ ဓာတ်ပုံများ ထပ်မံပြီး တင်လာသည်ကို မတွေ့ရတော့ပေ။ အမြင်မှန် ရခြင်း၊ မရခြင်းမှာ ထိုသူတို့နှင့်သာ ဆိုင်သော်လည်း ဗုဒ္ဓဘာသာကို စော်ကားမှု ထပ်မံ မတွေ့ရတော့သဖြင့် စိတ်ချမ်းသာရပေသည်။
ထိုကြောင့် ရဟန်းတော်များသည် ငါနှင့်မဆိုင်ဟု သဘောထားပြီး ဘာသာသွေး အေးနေ၍ မဖြစ်တော့ပေ။ ဘာသာခြားတို့သည် အင်တာနက်ဟူသော ခေတ်မှီလက်နက် ကို အသုံးချကာ နည်းမျိုးစုံဖြင့် တိုက်စစ်ဆင်နေကြပေပြီ၊ မိမိတို့သည်လည်း သတိ၊၀ီရိယ ရှိရှိသဖြင့် ခံစစ်၊ တိုက်စစ် နည်းစနစ်တို့ကို ဥာဏ်နှင့်ယှဉ် အသုံးချကာ ရင်ဆိုင်ကြရပေမည်။ ထိုသည်မှာ မြတ်ဗုဒ္ဓသာသနာ ပြန့်ပွားရန် အားထုတ်နေခြင်း၊ ကိုယ့်မျိုးဘာသာ၊သာသနာကို ကာကွယ်စောက်ရှောက်နေခြင်းဖြစ်၍ မြတ်စွာဘုရား၏ လမ်းစဉ်တို့ကို လိုက်နာကျင့်သုံးခြင်းပင် ဖြစ်သည်။
“Opportunity is not for enjoyment, it is for progress.”
“ရရှိလာတဲ့ အခွင့်အရေးဟာ ခံစားဖို့ မဟုတ်ပါဘူး၊ ရှေ့တိုးဖို့သာ ဖြစ်တယ်။”
(တောင်မြို့၊ မဟာဂန္ဓာရုံဆရာတော်)
မျက်မှောက်ခေတ် သာသနာ ရဟန်းတော်များအတွက် အင်တာနက်ဟူသော ဗဟုဿုတ ဘဏ္ဍာတိုက်ကြီးကို သုံးစွဲခွင့် အခွင့်အရေးကောင်းကြီးကို ရရှိကြပေပြီ။ ဆရာတော်ဘုရားကြီး မိန့်မှာခဲ့သော အဆုံးအမတို့ကို လိုက်နာကြလျက် ရရှိလာသော အခွင့်အရေးကောင်းကြီးတွင် သင်ယူရမည့် ပညာရပ်တို့ကို သင်ယူ၊ ဖြန့်ဝေရမည့် ပိဋကတ်လာစာပေတို့ကို ဖြန့်ဝေ၊ ကာကွယ်ရမည့် သာသနာ့အန္တရာယ်တို့ကို ကာကွယ်ကြကာ ရှေ့တိုးကြရပေမည်။ ထိုသို့မဟုတ်ဘဲ စကားပြောခြင်း၊ ဗီဒိယို ကြည့်ခြင်းစသည်တို့ကိုသာ ခံစားနေပါက အခွင့်အရေးကောင်းကြီးကို ဆုံးရှုံးရပေမည်။
အချုပ်အားဖြင့် ဆိုရသော်- အမိမြန်မာနုိင်ငံ၏ မျက်မှောက်ခေတ် သာသနာ သည် ကျေနပ်အားရစရာကောင်းလောက်အောင် တောက်ပြောင်နေဆဲပင် ဖြစ်သည်။ သိက္ခာကာမ၊ လဇ္ဇီပေမ၊ သီလ၀န္တ ဆရာတော် အရှင်သူမြတ်များလည်း အားသွန်ခွန်စိုက် သာသနာပြုနေကြဆဲပင် ဖြစ်သည်။ ဘက်စုံဖွံ့ဖြိုးတိုးတက်အောင် မျိုးဆက်သစ် ရဟန်းတော်များ အနေဖြင့် အင်တာနက်ဟူသော နည်းစနစ်ကို အသုံးပြုကာ ပံ့ပိုးကြရပေမည်။ တနည်းအားဖြင့်- ဆရာတော်ကြီးများ မစွမ်းနိုင်ကြသည့် ဟာကွက်ကို မျိုးဆက်သစ် ရဟန်းတော်များက ဖြည့်တင်းပေးကြရပေမည်။ ထိုသို့ပြုလုပ်ပေးကြမည်ဆိုလျင် မျက်မှောက်ခေတ်သာသနာ၌ ရဟန်းတော်များ၏ အင်တာနက် သုံးစွဲမှုသည် သာသနာပြန့်ပွားစည်ပင်ရန်အတွက် များစွာ အထောက်အကူဖြစ် သည်ဟု လေးနက်စွာ ယုံကြည်မိပါကြောင်း လျှောက်ထားရပေသည်။
အရှင်နိပုဏာလင်္ကာရ (BHU)
ကိုးကား ကျမ်းစာရင်း-
(၁) အဂုင်္တ္တိုရ်ပါဠိတော်၊ ပဉ္စကနိပါတ်၊ ပဌမ သဒ္ဓမ္မသမ္မောသသုတ်၊ ဒုတိယ သဒ္ဓမ္မသမ္မောသသုတ်၊ တတိယ သဒ္ဓမ္မသမ္မောသသုတ်။
(၂) ဓမ္မပဒဋ္ဌကထာ၊ယမက၀ဂ္ဂ၊ စက္ခုပါလတ္ထေရ၀တ္ထု။
(၃)အမရပူရ၊ မဟာဂန္ဓာရုံဆရာတော် ၊ တစ်ဘ၀ သာသနာ။
(၄) အမရပူရ၊ မဟာဂန္ဓာရုံဆရာတော် အရှင်ဇနကာဘိဝံသ၏ အဆိုအမိန့်များ။
(၅) Leadership and Management by Dr. Nay Zin Latt.
(၆) အင်တာနက် ဆောင်းပါးများ။
